ବୁରୁ ସାହି: କ୍ଷୁଧା,ଅନାହାର, କୁପୁଷ୍ଟି ଓ ଦାରିଦ୍ର୍ୟ ର ପ୍ରତିଛବି
ଯାଜପୁର ଜିଲ୍ଲାରେ ବହୁବିକାଶମୂଳକ ଯୋଜନା ଯଥା mini Secretariat ନିର୍ମାଣ, ମେଡ଼ିକାଲ କଲେଜ ନିର୍ମାଣ (୬୦୦ କୋଟି ବ୍ୟୟ ଅଟକଳ), କୁଡୁମା ପୋଖରୀ (୩୦କୋଟି ଖର୍ଚ୍ଚ) ସମେତ ବିଭିନ୍ନ ବଡ ବଡ଼ ପ୍ରକଳ୍ପ ନିର୍ମାଣ ଚାଲିବା ଏବଂ ଶାସକ ଦଳ ର ନେତା ପ୍ରଣବ ପ୍ରକାଶ ଦାସର ପ୍ରଚାର ବ୍ୟାପକ ପ୍ରଚାର ହେଉଥିଲାବେଳେ , ସେହି ଜିଲ୍ଲାରେ ସେହି ଶାସକ ଦଳର ନେତା ମାନଙ୍କ ଦ୍ୱାରା ହଜାର ହଜାର କୋଟି ଟଙ୍କାର ଲଘୁ ଖଣିଜ ଦ୍ରବ୍ୟର ଲୁଟ ହୋଇଚାଲିଛି । ତଥାକଥିତ ବିକାଶମୂଳକ ଯୋଜନାର ଲାଭାଂଶ ବାହାର ରାଜ୍ୟର ଠିକାଦାର ଓ ବିଜେଡି ନେତା ମାନେ ପାଉଥିଲାବେଳେ , ଖଣିଜପଦାର୍ଥ ଚୋରି ର ଅର୍ଥ ଶାସକ ଦଳର ନେତା ଓ ତାଙ୍କର ଦଳୀୟ ମାଫିଆ ମାନଙ୍କ ପାଖକୁ ଯାଉଛି ।
ବିକାଶ ମୂଳକ ଯୋଜନା ନାମରେ ଲୁଟ , ଜିଲ୍ଲାର ଖଣିଜ ଦ୍ରବ୍ୟର ଲୁଟ - ଏହି ଦୁଇ ଲୁଟ ରେ ବଳି ପଡିଛନ୍ତି ସାଧାରଣ ଜନତା ମୁଖ୍ୟତଃ ନିରୀହ ଆଦିବାସୀ।
ଯେଉଁ ଧର୍ମଶାଳା ଖଣିଜ ଦ୍ରବ୍ୟରେ ଭରପୁର ଏବଂ ଶାସକ ଦଳର ନେତା , ଅମଲା ମାନେ ହଜାର କୋଟି ଟଙ୍କାର ଖଣିଜ ପଥର , ବାଲି ଲୁଟ କରନ୍ତି , ସେହି ସ୍ଥାନରେ ଲୋକମାନଙ୍କ ମଧ୍ୟରେ ଅନାହାର , କୁପୁଷ୍ଟି ଭରପୁର ।
ଧର୍ମଶାଳା ତହସିଲ ଅନ୍ତର୍ଗତ ଚଣ୍ଡିଖୋଲ ଠାରୁ ୨୨ କିମି ଦୂର ରେ ପଡିବ ବୁରୁସାହି । ପ୍ରାୟ ୩୦ ଟି ଆଦିବାସୀ ପରିବାରକୁ ନେଇ ଏହିପଡା ( ରାଜସ୍ୱ ଗ୍ରାମ ନୁହେଁ) ଗଠିତ । ସମସ୍ତେ ଆଦିବାସୀ ମୁଣ୍ଡା ସମ୍ପ୍ରଦାୟର।
ଆମ୍ଭେ ତିନିଜଣ ସୂଚନା ଅଧିକାର କର୍ମୀ ପ୍ରଦୀପ ପ୍ରଧାନ , ସର୍ବେଶ୍ୱର ବେହୁରା ଓ କାଳନ୍ଦୀ ମଲ୍ଲିକ ଗତ ୧୭.୫.୨୩ ରେ ଉକ୍ତ ଗ୍ରାମ ପରିଦର୍ଶନ କରିଥିଲୁ ।ଉଦ୍ଧେଶ୍ୟ ଥିଲା ଲୋକଙ୍କର ଅର୍ଥନୌତିକ ସ୍ଥିତି ଓ ସମସ୍ୟା, ସେମାନଙ୍କର ଖାଦ୍ୟ ସୁରକ୍ଷା ସ୍ଥିତି ସମ୍ପର୍କରେ ତଥ୍ୟ ସଂଗ୍ରହ କରିବା । ଏଠାରେ ସୁଚେଇ ଦେଉଛିଯେ , ଆମ୍ଭେ ତିନି ଜଣ ୨୦୧୭ ମସିହାରେ ଏହି ଗ୍ରାମ ପରିଦର୍ଶନ କରି , ଲୋକଙ୍କର ଦାରିଦ୍ର୍ୟ, ପିଲାଙ୍କର କୁପୁଷ୍ଟି ,ସରକାରୀ ଯୋଜନାରେ ହରିଲୁଟ ତଥ୍ୟ ସଂଗ୍ରହ କରି ରାଜ୍ୟ ମାନବାଧିକାର କମିଶନରେ ଅଭିଯୋଗ କରିଥିଲୁ ।କମିଶନଙ୍କ ଲଗାତାର ନୋଟିସ ପରେ ପ୍ରଶାସନର କିଛି ମାତ୍ରାରେ ତପ୍ତରତା ପ୍ରକାଶ ପାଇଥିଲା । ବୁରୁସାହି ଲୋକଙ୍କୁ ୪ ଡ଼ିସିମିଲ ପଟ୍ଟା ଘର ଡିହ, ଅଙ୍ଗନବାଡି କେନ୍ଦ୍ର ଖୋଲିବା , ରେସନ କାର୍ଡ ଆବଣ୍ଟନ ଇତ୍ୟାଦି ହୋଇଥିଲା ।
ଏହି ପରି ଦର୍ଶନରେ ଆମ୍ଭେ ଗ୍ରାମର ଦୟନୀୟ ସ୍ଥିତି ଓ ଲୋକଙ୍କ ବିକଳ ଚେହେରା ଦେଖିବାକୁ ପାଇଥିଲୁ । ୧୨ ଟା ସମୟରେ କାହାଘରେ ଚୁଲି ଜଳୁ ନଥିଲା ।
୧. କାହାର ଭଲ ଘର ଖଣ୍ଡେ ନାହିଁ। କଳା ଜାରି ଆଉ କିଛି ଚାଳ ଘର କରି ରହୁଛନ୍ତି। ସମସ୍ତ ସରକାରୀ ମାନଦଣ୍ଡ ପୂରଣ କରୁଥିଲେ ମଧ୍ୟ କୌଣସି ଗୋଟିଏ ପରିବାରକୁ ଆବାସ ଯୋଜନାରେ ଘର ମିଳିନାହିଁ ।
୨. ଏହି ଗ୍ରାମର ସମସ୍ତେ ଭୂମିହୀନ ଓ ଦିନମଜୁରିଆ ।କାମ ମିଳିଲେ ଖାଇବାକୁ ପାଳାନ୍ତି , କାମ ନମିଳିଲେ ଉପାସ । ଏନ.ଆର.ଇ.ଜି.ଏ କାମ ଦୁଇ ବର୍ଷ ହେଲା କିଛି ହୋଇ ନାହିଁ ।
୩. ୨୫ ଟି ପରିବାର କୁ ରେସନ କାର୍ଡ ମିଳିଛି । କିନ୍ତୁ କୌଣସି ଛୋଟ ପିଲାଙ୍କୁ ଚାଉଳ ମିଳୁ ନାହିଁ ବୋଲି ଗ୍ରାମବାସୀ ମାନେ କହିଲେ । ଏହାର କାରଣ ସମ୍ପର୍କରେ ସେମାନେ କହିଲେଯେ , ଯେହେତୁ ପିଲାଙ୍କର ଆଧାର linkage ହୋଇ ନାହିଁ , ତେଣୁ ସେମାନଙ୍କୁ ଡିଲର ଚାଉଳ ଦେଉ ନାହିଁ । ତେଣୁ ପ୍ରାୟ ୭୦ ଜଣ ଛୋଟ ପିଲା ବର୍ଷ ବର୍ଷ ଧରି ଚାଉଳ ପାଉ ନାହାଁନ୍ତି ।
୪.ଆଧାର କାର୍ଡ linkage କାହିଁକି କରେଇ ନାହାନ୍ତି ପଚାରିବାରୁ ସେମାନେ କହିଲେଯେ ଆମ୍ଭେ ଆଧାର କାର୍ଡ ପାଇଁ ଯାଇଥିଲୁ। କିନ୍ତୁ ଜଣ କ ପିଛା ୨୦୦ ଟଙ୍କା ମାଗିବାରୁ ଆମ୍ଭେ ଦେଇ ପାରିଲୁ ନାହିଁ ।ତେଣୁ କାର୍ଡ କରି ପାରିଲୁ ନାହିଁ ।
୫.ପିଇବା ପାଣି ର ଅତି ଉତ୍କଟ ସମସ୍ୟା । ଆମ୍ଭମାନଙ୍କ ୨୦୧୭ ମସିହା କେଶ ଉପରେ କମିଶନଙ୍କ ନିର୍ଦ୍ଧେଶ ଉପରେ ଗାଁରେ ଦୁଇଟି ନଳକୂପ ବସିଛି ।କିନ୍ତୁ ଦୁଇଟି ଯାକ ଅଚଳ । ଲୋକମାନେ ଏକ ଛୋଟିଆ ଗଡ଼ିଆ ପାଣି ପିଇବା ପାଇଁ ବ୍ୟବହାର କରୁଛନ୍ତି ।
୬. ସେମାନେ କହିବା ଅନୁଯାୟୀ, ସୌଭାଗ୍ୟ ଯୋଜନାରେ ବିଦ୍ୟୁତ ସଂଯୋଗ ହୋଇଥିଲା । କିନ୍ତୁ ବିଦ୍ୟୁତ ବିଭାଗ ଲାଇନ କାଟି ଦେଇଛି ।ତାର ନାହିଁ ଖାଲି ଖୁଣ୍ଟି ଅଛି ।
୭.ଅଙ୍ଗନବାଡି କେନ୍ଦ୍ର ଖୋଲା ହୋଇଛି । ଦୀର୍ଘ ତିନି ବର୍ଷ ଧରି ଅଙ୍ଗନବାଡି ଘର ନିର୍ମାଣ ଶେଷ ହେଉ ନାହିଁ । ପିଲା ମାନେ ଗଛ ତଳେ ପଢୁଛନ୍ତି । ଅଙ୍ଗନ ବାଡ଼ି କର୍ମୀ ନିୟମିତ ଆସେ ନାହିଁ ବୋଲି ଗ୍ରାମବାସୀ କହିଥିଲେ ।
୮. ପ୍ରାୟ ସବୁ ପିଲା ପୁଷ୍ଟିହୀନତାର ଶିକାର । ଅନେକ ବିଭିନ୍ନ ରୋଗର ଶିକାର ।ନିକଟରେ ମେଡ଼ିକାଲ ନାହିଁ।ଅଙ୍ଗନବାଡି କୌଣସି ଔଷଧ ଦିଏ ନାହିଁ।
୯. ଧର୍ମଶାଳା ତହସିଲ ତରଫରୁ ସମସ୍ତ ପରିବାରକୁ ୪ ଡ଼ିସିମିଲ ଘରଡିହ ପଟ୍ଟା ଦିଆଯାଇଛି। ସେମାନେ ସମସ୍ତେ ମୁଣ୍ଡା ଆଦିବାସୀ ସମ୍ପ୍ରଦାୟର । କିନ୍ତୁ ଉକ୍ତ ପଟ୍ଟାରେ ଜାତିରେ " ଶହର " ଲେଖାଯାଇଛି ଯାହାକି ଅନୁସନ୍ଧାନ ସାପେକ୍ଷ ।
ଏହି ହେଉଛି ଯାଜପୁର ଜିଲ୍ଲାର ବିକାଶ ପୁରୁଷଙ୍କ ବିକାଶ ଓ ବିଜୁ ଜନତା ଦଳର ବିକାଶର ମାନଦଣ୍ଡ ।
ଏହା ଉପରେ ଆମ୍ଭମାନଙ୍କର ପଦକ୍ଷେପ ଖୁବ ଶ୍ରୀଘ୍ର ।
ପ୍ରଦୀପ ପ୍ରଧାନ
ମୋ- 9937843482
ତା- ୧୯.୫.୨୩
No comments:
Post a Comment